Yeddi Avropa ölkəsinin təhlükəsizlik xidmətləri Norveçin enerji sektoruna Rusiyanın təhdidləri barədə Avropanın ən böyük qaz tədarükçüsü Equinor da daxil olmaqla Norveçin enerji rəsmilərinə xəbərdarlıq edib...
Poliqon xəbər verir ki, bu barədə Reuters məlumat yayıb.
Norveç, Almaniya, Belçika, Niderland, Finlandiya, İsveç və İslandiyanın milli təhlükəsizlik xidmətlərinin nümayəndələrinin iştirak etdiyi qapalı iclasda ölkələr Norveçin Avropaya enerji resurslarının əsas təchizatçısı kimi rolunu xüsusi vurğulayıblar.
"Biz təkcə Almaniyanı və ya norveçli həmkarlarımızı deyil, həm də hamımızı maraqlandıran bir hekayənin inkişaf etdiyini görürük. Bu, Rusiya kimi bəzi ölkələrdən gələn təhlükədir. Təkcə casusluq əməliyyatları deyil, həm də bəzi sənayelərdə təxribat riski var", deyə Almaniyanın Konstitusiyanın Müdafiəsi üzrə Federal İdarəsinin vitse-prezidenti Sinan Selen bildirib.
Aprel ayında Almaniyada iki alman-rus vətəndaşı Amerikanın hərbi obyektlərinə təxribat hücumları hazırlamaqda şübhəli bilinərək həbs edilib və rəsmilər bunu Ukraynaya hərbi dəstəyin ciddi şəkildə sarsıdılması cəhdi adlandırıblar.
ONS enerji konfransı çərçivəsində görüşü təşkil edən Norveçin PST əks-kəşfiyyat agentliyinin rəhbəri Beate Qanqaas deyib: "Bu gün təxribatdan danışırıqsa, Rusiyanı nəzərdə tuturuq".
Norveç kəşfiyyatı bu il bildirib ki, Rusiyanın Norveçdə əsas hədəfi neft sektoru olan obyektlərə qarşı fiziki və ya rəqəmsal təxribat həyata keçirmək ola bilər.
Moskvanın Ukraynaya genişmiqyaslı müdaxiləsindən sonra Arktikada Rusiya ilə həmsərhəd olan NATO üzvü Norveç Avropanın ən böyük təbii qaz tədarükçüsünə çevrilib.
"Rusiya Qərblə uzun müddətdir ki, qarşıdurmadadır və bu, daha böyük risklərə getməyə hazır olan rejimdir. Ona görə də biz Norveçdə nəsə etmək planlarına dair konkret sübut görməsək də, ehtiyatlı olmaq və təhlükəsizlik səviyyəsini artırmaq məqsədəuyğundur", deyə Norveç kəşfiyyat xidmətinin rəhbəri, vitse-admiral Nils Andreas Stensoenes bildirib.
Poliqon.info
Digərxəbərlər
Populyar xəbərlər
