Türkiyə və Suriya kəşfiyyat səviyyəsində danışıqlar apara bilər

Poliqon xəbər verir ki, bu barədə Hürriyət qəzeti mənbələrə istinadən yazıb.

Suriya prezidenti Bəşər Əsəd bundan əvvəl Rusiya, İran və İraqın təmsil olunduğu vasitəçilərin Suriya və Türkiyəni barışdırmaq üçün səmimi cəhdlər etdiklərini, lakin bu təşəbbüsdə irəliləyiş olmadığını bildirmişdi.

"Əslində, gündəmdə olan məsələlər ilkin şərtsiz danışıqlar masasına gəlmək prinsipi qorunub saxlanılarsa, o zaman yaxın vaxtlarda kompleks məsələlərə start verilə bilər. Danışıqlar böyük əhəmiyyət kəsb edəcək, amma bu, dərhal bir nəticə verəcəkmi?", deyə Türkiyə nəşri yazıb.

Rusiya Federasiyası xarici işlər nazirinin müavini Mixail Boqdanov daha əvvəl Moskvanın Türkiyə və Suriya prezidentləri arasında görüş təşkil etməyə hazır olduğunu bildirsə də, onun sözlərinə görə, bu, ciddi hazırlıq tələb edir.

2011-ci ildə Suriyada vətəndaş müharibəsi başlayıb. Bu qarşıdurmadan əvvəl Dəməşqlə sıx əlaqələr saxlayan Türkiyə Bəşər Əsədin əleyhdarlarını dəstəkləyib. 2024-cü ilin yayında iki ölkə arasında münasibətlərin normallaşması kursu intensivləşib.

Poliqon.info