2024-cü ilin iyulunda Bakı-Tiflis-Ceyhan (BTC) boru kəməri ilə neft nəqli 2,7 milyon ton təşkil edib ki, bu da rekord göstəricidir...
Poliqon xəbər verir ki, bu barədə BMG media platforması Gürcüstanın Neft və Qaz Korporasiyasına istinadən məlumat yayıb.
Gürcüstan Neft və Qaz Korporasiyasının məlumatına görə, Bakı-Tiflis-Ceyhan neft kəməri ilə adətən ayda 2,5 milyon ton neft ötürülür, lakin iyul ayında kəmərdə xüsusilə sıxlıq olub.
Ümumilikdə, bu ilin yeddi ayı ərzində kəmərlə 17,4 milyon ton neft nəql olunub ki, bu da 2023-cü ilin müvafiq dövrü ilə müqayisədə 2,5% azdır.
Hazırda kəmərlə əsasən Azərbaycan nefti, həmçinin Qazaxıstan və Türkmənistan nefti də nəql olunur.
Bakı-Tiflis-Ceyhan neft kəmərinin tikintisinə 2003-cü ilin aprelində start verilib, 2005-ci ilin mayında isə kəmər fəaliyyətə başlayıb.
Neft kəmərinin ümumi uzunluğu 1768 kilometrdir ki, bunun da 443 kilometri Azərbaycan ərazisindən, 249 kilometri Gürcüstandan, 1000 kilometrdən bir qədər çoxu isə Türkiyədən keçir.
Poliqon.info
Digərxəbərlər
Populyar xəbərlər
