ABŞ-da 1999-2023-cü illər arasında yüksək temperatur səbəbindən ölümlər araşdırılıb. Məlum olub ki, istinin təsiri nəticəsində ən çox ölüm 2023-cü ildə qeydə alınıb...
Poliqon bu barədə Journal of American Medical Association (JAMA) jurnalına istinadən xəbər verir.
Jurnalda dərc olunan araşdırmada elm adamları 1999-2023-cü illər arasında ABŞ-da artan temperaturun səbəb olduğu ölümləri araşdırıblar.
Tədqiqatçılar məlum ən isti il kimi qeydə alınan 2023-cü ildə yüksək temperaturdan ən azı 2325 nəfərin öldüyünü qeyd edərək, bunun 1999-2023-cü illər rasındakı dövrün ən yüksək göstəricisi olduğunu bildiriblər.
2004-2010-cu illərdə temperaturun artması səbəbindən ölümlərin azaldığını bildirən tədqiqatçılar, 2010-cu ildən sonra yenidən artmağa başladığına diqqət çəkiblər.
Tədqiqatçılar qeyd ediblər ki, qlobal istiləşmə səbəbindən ölkədə temperatur və isti ilə bağlı ölüm halları artmaqda davam edəcək.
Poliqon.info
Digərxəbərlər
Populyar xəbərlər
