Ukraynadakı müharibə bütün müdafiə şirkətlərinin diqqətini cəlb edib - "Financial Times"

Ukraynadakı müharibə fonunda bir çox kiçik texnologiya şirkətləri əvvəllər yalnız müəyyən oyunçuların üstünlük təşkil etdiyi sənayedə populyarlıq qazanıb.

Poliqon "Financial Times"a istinadən xəbər verir ki, Amerikanın "AeroVironment" və Türkiyənin "Baykar" kimi şirkətləri Ukraynada döyüş meydanında öz texnikalarının uğurundan sonra manşetlərə çevriliblər.

"Milrem" şirkəti alman "Krauss-Maffei Wegmann" ilə birlikdə Ukraynaya 14 pilotsuz yerüstü maşın verib və Pentaqon "AeroVironment" şirkətinin döyüş başlıqları ilə silahlanmış bir neçə yüz "Switchblade" dronunu göndərib.

Bu şirkətlərin və onların məhsullarının Ukraynadakı uğurları müdafiə sənayesində baş verən dəyişikliklərlə vurğulanır.

Ukraynada müharibə ili ərzində yeni startapların sayı iki dəfədən çox artıb.

Britaniyanın "Royal Joint Services" İnstitutunun tədqiqatçısı Trevor Taylor məsələ ilə bağlı "Ukrayna digər hökumətləri mütləq öz sənaye bazaları, təchizat zəncirlərinin çevikliyi və sabitliyi haqqında düşünməyə vadar edib" deyib.

Məqalədə deyilir ki, ABŞ və Böyük Britaniya bir müddətdir təchizatçı bazalarını şaxələndirməyə çalışıblar, lakin onların satınalma prosesləri kiçik qruplar üçün çətinləşib. Müdafiə tədarükü prosesi olduqca ciddidir və hökumətlər müqavilə bağladıqları şirkətin uzunmüddətli dövr üçün fəaliyyət göstərəcəyinə əmin olmalıdırlar.

Gözlənilməz müsbət hadisələrdən biri 2021-ci ildə kiçik və orta şirkətləri birgə tədqiqat layihələrində iştirak etməyə təşviq edən Avropa Müdafiə Fondunun yaradılması olub.

Oxşar səylər Böyük Britaniyada da aparılır. MN-nin satınalma agentliyi olan Müdafiə Avadanlıqları və Dəstək şirkətinin baş icraçı direktoru Endi Start bildirib ki, hökumət kiçik və orta biznesin dövlət sektoru müqavilələri üçün təklif verməsini asanlaşdırıb.

"Capital Alpha Partners" tədqiqat qrupunun idarəedici direktoru Bayron Kallan deyib: “Bəzi kiçik Amerika texnologiya şirkətləri çox fəal şəkildə Ukraynaya daxil olmağa çalışırlar".

Sənaye ekspertləri qeyd edirlər ki, əvvəlki münaqişələr niş texnologiyalara tələbatın qəfil artmasına səbəb olub və bu, əksər hallarda iştirakçı şirkətlər üçün qarışıq nəticələrə gətirib çıxarıb.

Stokholm Beynəlxalq Qlobal Məsələlər İnstitutunun baş elmi işçisi Peter Vezeman qeyd edib ki, daha böyük şirkətlər daha kiçik rəqiblərindən bazar payını geri almağa və ya əsas texnologiyaları ələ keçirməyə çalışırlar.

Poliqon.info