Ukrayna əks-hücum kimi görünən hücumlara başlayıb...

Poliqon xəbər verir ki, bu barədə The New York Times qəzetinin məlumatında bildirilir.

Qəzet yazır ki, əks-hücumun Ukrayna rəsmiləri tərəfindən təkzib edilməsinə baxmayaarq, peyk görüntüləri göstərir ki, Ukrayna artilleriya zərbələrinin sayını əhəmiyyətli dərəcədə artırıb və quru əməliyyatlarını intensivləşdirib. Bazar ertəsinə qədər cəbhə xəttinin bir neçə hissəsində artıq hücumlar müşahidə olunub. Amerika mənbələri deyir ki, bu, çoxdan planlaşdırılan əks-hücum kimi görünür və Kiyevin Vaşinqtona xəbərdarlıq etdiyi vaxt çərçivəsində baş verir.

The New York Times yazır ki, qəzetin hakimiyyətdə olan mənbələri qismən peykdən çəkilmiş görüntülərə əsaslanaraq nəticə çıxabırlar. Onlar Ukrayna ordusunun mövqelərində aktivlik müşahidə edirlər.

Bazar günü axşam və bazar ertəsi səhər yayılan xəbərlərdə daha böyük Ukrayna hərbi birləşmələrinin hərəkəti də müşahidə edilib. Bu, Ukraynanın NATO-nun təlim keçmiş qüvvələrini döyüşə cəlb etdiyini göstərə bilər.

Qəzetin istinad etdiyi amerikalı hərbi analitiklər hesab edir ki, Ukrayna bölmələri Rusiya qüvvələrinin mövqeyini və gücünü müəyyən etmək üçün əməliyyatlara başlayıb. Bu cür hərəkətlər amerikalıların Ukrayna hərbçilərinə öyrətdiyi taktikalardan xəbər verir.

Ukrayna rəsmiləri amerikalı həmkarlarına əks-hücumun nə vaxt başlayacağını dəqiq deməsələr də, bunun nə vaxt gözlənilməsi üçün vaxt çərçivəsi təqdim ediblər. Mənbələr NYT-yə bildiriblər ki, bazar günü bu müddətə uyğun gəlir.

Bazar ertəsi səhər Rusiya Müdafiə Nazirliyi bildirib ki, düşmən cəbhənin 5 sektorunda Yujno-Donets istiqamətində genişmiqyaslı hücuma başlayıb. Bu bəyanatı Ukrayna təkzib edib. Məsələn, Ukrayna prezidentinin aparatının rəhbərinin müşaviri Mixail Podolyak bildirib ki, Kiyev Rusiyanın Ukrayna Silahlı Qüvvələrinin Uqledar yaxınlığında genişmiqyaslı hücuma keçməsi barədə bəyanatlarını diqqətlə və “müəyyən çaşqınlıqla” izləyir. .

Eyni zamanda, müdafiə nazirinin müavini Anna Malyar bildirib ki, Ukrayna Silahlı Qüvvələrinin bəzi ərazilərində onlar həqiqətən də hücum əməliyyatlarına keçiblər. O, belə istiqamətlərdən biri kimi Baxmut ərazisini adlandırıb.

“Orada biz kifayət qədər geniş cəbhədə hərəkət edirik. Uğur var. Biz dominant yüksəklikləri tuturuq”, deyə Malyar bildirib. Ukrayna Müdafiə Nazirliyinin rəsmisi həmçinin rusların diqqəti Baxmut istiqamətindəki məğlubiyyətdən yayındırmaq üçün əks-hücum haqqında məlumat yaydıqlarını bildirib.

Ənənəvi axşam müraciətində Ukrayna prezidenti Vladimir Zelenski Ukrayna Silahlı Qüvvələrinin Baxmut şəhərində və Donetsk istiqamətində irəlilədiyini təsdiqləyib.

Bundan əlavə, aktivləşmə Zaporojye vilayəti ilə “DXR” sərhəddində Vremyevka kəndi yaxınlığında baş verib. Bu narədə Rusiyanın Teleqram kanalları yazıb.

Poliqon.info