ABŞ-ın keçmiş prezidenti Tramp hazırkı prezident Baydeni Çindən pul almaqda ittiham edib...
Poliqon TASS Agentliyinə istinadən xəbər verir ki, ABŞ-ın keçmiş prezidenti Donald Tramp Corciya ştatının Atlanta şəhərində debat zamanı ölkənin hazırkı rəhbəri Co Baydeni Çindən pul almaqda ittiham edib və onu “mancuriyalı namizəd” adlandırıb.
Qeyd edək ki, “Mancurian namizəd” termini eyni adlı iki Hollivud filminin ekranlara çıxmasından sonra məşhurlaşıb. Adətən xarici ölkələrdən və ya digər xarici qüvvələrdən gizli təsir agentlərini təsvir etmək üçün bu termindən istifadə olunur.
Bayden haqqında danışan Tramp qeyd edib ki, ABŞ onun prezidentliyi dövründə tarixdə ən böyük ticarət kəsiri yaşayır.
“Çinlə ən böyük defisitimiz var. Çin Baydenə pul verir. Bizim “Mancuriyalı namizəd”imiz var. Çünki prezident Çindən pul alır. Düşünürəm ki, bu üzdən Bayden Çinlə məşğul olmaqdan qorxur”, deyə Tramp vurğulayıb.
Poliqon.info