ABŞ prezidenti Co Baydenin noyabr seçkilərində qalib gəlməsi ölkənin mövcudluğunu dayandırmasına gətirib çıxaracaq...
Poliqon xəbər verir ki, bunu cümə axşamı axşam Atlantada bu ilin ilk seçkiqabağı teledebatında çıxış edən keçmiş Amerika lideri Donald Tramp deyib.
“Əgər Bayden bu seçkidə qalib gəlsə, ölkəmizin mövcudluğunu davam etdirmək şansı belə olmayacaq. Yəqin ki, ölkəmiz mövcud olmayacaq. Hər şey çox pisdir. Bayden tarixin ən pis prezidentidir”, deyə Tramp bildirib.
Baydenə görə isə Tramp tarixin ən pis Amerika lideridir.
“Bu bir faktdır, bu fərziyyə deyil”, deyə Bayden rəy sorğularına istinad edib.
Tramp buna cavab olaraq bildirib ki, əsl sorğular bunun əksini göstərir.
“Sorğularda Bayden ən pis prezident hesab olunur. Amerika xalqı məni ən yaxşı prezidentlərdən biri kimi qiymətləndirirlər”, deyə respublikaçı namizəd etiraz edib.
Bayden də bu reytinqlərdən nümunələr istəyib. “Mən sizə göstərəcəyəm, sizə göstərəcəyəm”, deyə cavabında Tramp bildirib və əlavə edib ki, Bayden tarixin ən pis prezidentidir və bunu hamı bilir.
Poliqon.info