Ukraynadakı münaqişə düşməni tükəndirmək üçün nəzərdə tutulmuş “logistik” qarşıdurma mərhələsinə daxil olub…
Poliqon.info xəbər verir ki, bu barədə NATO-nun Baş katibi Sky News telekanalına müsahibəsində deyib. Baş katib həmçinin bildirib ki, NATO ölkələri Ukraynaya tədarük üçün mərmi ehtiyatlarını tükəndirib
NATO-nun baş katibi Yens Stoltenberq bildirdiyinə görə, Şimali Atlantika Alyansı ölkələri Kiyevə çatdırılacaq artilleriya mərmiləri ehtiyatlarını tükəndiriblər. Həmçinin o, qeyd edib ki, Ukraynadakı münaqişə düşməni tükəndirmək üçün nəzərdə tutulmuş “logistik” qarşıdurma mərhələsinə daxil olub.
Stoltenberq qeyd edib ki, hərbi blokun qarşısında istehsalı artırmaq vəzifəsi durur.
“Bu yorucu bir tükənmə münaqişəsinə çevrilir. Biz ehtiyatlarımızdan istifadə edərək dəstək verdik, lakin Ukraynadaki sursat istehlakı bizim istehsal həcmimizi xeyli ötüb. Mərmilərin sayı sabit deyil, deyə Stoltenberq bildirib.
NATO-nun baş katibi Ukrayna hakimiyyətinin qırıcı təyyarələrin verlməsi ilə bağlı sualdan yayınıb. Stoltenberq vurğulayıb ki, daha təcili ehtiyaclar Kiyevə silah-sursatın çatdırılması, eləcə də ehtiyat hissələri və silah sistemlərinə texniki xidmətin göstərilməsidir.
Stoltenberq Alyansa üzv ölkələrə müraciət edərək, Ukraynaya silah tədarükünü sürətləndirməyə və Ukrayna Silahlı Qüvvələrini lazımi sursat və texnika ilə tez bir zamanda təmin etməyə çağırıb.
Poliqon.info
Digərxəbərlər
Populyar xəbərlər
