Avropa Şurasının prezidenti Şarl Mişel G7 sammiti öncəsi Xirosimada keçirilən brifinqdə deyib ki, Avropa İttifaqı rus almazlarının ticarətini məhdudlaşdırmağa çalışacaq...
Poliqon xəbər verir ki, bu barədə Bloomberg Agentliyi məlumat yayıb.
“Rus almazları əbədi deyil”, deyə Bloomberg Mişeldən sitat gətirib.
Agentlik qeyd edir ki, Aİ səviyyəsində almaz ticarətinə qadağa qoyulması üçün bütün üzv dövlətlərin dəstəyi lazımdır.
Avropa Şurasının rəhbəri həmçinin Rusiyaya qarşı sanksiyaların icrasına nəzarət etmək və Ukraynaya dəstəyi davam etdirmək üçün görülən tədbirləri açıqlayıb.
Xatırladaq ki, Böyük Britaniyanın Baş naziri Rişi Sunak Rusiyadan almaz, mis, nikel və alüminium idxalına qadağa qoyduğunu açıqlayıb.
G7 ölkələrinin liderlərinin sammiti bu gün Xirosimada başlayıb və mayın 21-dək davam edəcək.
Poliqon.info