İrəvanın indiyədək mövcud siyasəti Rusiya prezidenti Vladimir Putinlə Ermənistanın baş naziri Nikol Paşinyan arasında görüşdən gözləntiləri təmkinli qiymətləndirməyə təşviq edir...
Poliqon "RİA Novosti" Agentliyinə istinadən xəbər verir ki, bunu siyasi müşahidəçi və Strateji Mədəniyyət Fondunun eksperti Andrey Areşev bildirib.
Ermənistanın baş naziri Avrasiya İiqtisadi İttifaqının yubiley sammitində iştirak etmək üçün Moskvaya işgüzar səfərə gedib. Səfər çərçivəsində Putin və Paşinyan arasında ikitərəfli görüş planlaşdırılır.
"Məğlubiyyətçi siyasətinə, uğursuzluğuna görə məsuliyyəti kiminsə, o cümlədən Rusiya tərəfinin üzərinə atmaq üçün hər şeyi edən Nikol Paşinyanın açıq-aşkar destruktiv mövqeyini nəzərə alaraq, bugünkü hadisələrin, o cümlədən Aİİ çərçivəsində görüşün nə dərəcədə uğurlu olacağını söyləmək çətindir", deyə Areşev "RİA Novosti"yə müsahibəsində bildirib.
Onun sözlərinə görə, Paşinyanın bütün davranışı onu göstərir ki, öz seçimini edib və Rusiyadan siyasi dönüş baxımından bütün yolu keçmək niyyətindədir:
"Onun Moskvaya səfərinin - Ermənistanın Aİİ-də sədrliyinin formal səbəbləri var, lakin bu sədrliyin nə dərəcədə mənalı olacağı İrəvanın siyasətini nəzərə alsaq, kifayət qədər mürəkkəb sualdır. Görüşün bütün informasiya fonu Paşinyanın Paradda iştirak etməməsi də daxil olmaqla, müsbət gözləntilər yaratmır, bütün bunlar qiymətləndirmələrdə təmkinli olmağı təklif edir".
Bundan əvvəl Rusiya prezidentinin beynəlxalq məsələlər üzrə köməkçisi Yuri Uşakov bildirmişdi ki, mayın 8-də Moskvada Paşinyanın sədrliyi ilə Aİİ-nin yubiley sammiti keçiriləcək. Bu il Ermənistan Aİİ-yə sədrlik edir, lakin yubiley sammitinin Moskvada keçirilməsi qərara alınıb. Uşakovun sözlərinə görə, Ermənistan Aİİ-yə sədrliyinin prioritetlərini yanvarda dərc edib və bu prioritetlər Rusiyanın 2023-cü ildə sədrliyi zamanı irəli sürdüyü Aİİ çərçivəsində əsas prioritetlərlə praktiki olaraq üst-üstə düşür.
Uşakov onu da bildirib ki, Kreml mayın 8-də Putinlə Paşinyan arasında gözlənilən görüşə böyük əhəmiyyət verir. O hesab edir ki, bu görüş bir çox problemlərin həllinə kömək edəcək. Rusiya liderinin köməkçisi hesab edir ki, ikitərəfli təmas çox məzmunlu olacaq, çünki müzakirə üçün çoxlu məsələlər toplanıb. Putinlə Paşinyan arasında sonuncu görüş 2023-cü il dekabrın sonunda baş tutub. Bundan sonra, liderlər praktiki olaraq ünsiyyət qurnayıb.
Poliqon.info
Digərxəbərlər
Populyar xəbərlər
