Fələstin-İsrail münaqişəsinin aktiv fazası 9 ay davam edərsə, Fələstində yoxsulluq səviyyəsi 60%-i keçə bilər...
Poliqon xəbər verir ki, bu barədə Birləşmiş Millətlər Təşkilatının İnkişaf Proqramının (UNDP) “Qəzza müharibəsi: Fələstin Dövləti üçün gözlənilən sosial-iqtisadi nəticələr” adlı dərc olunmuş hesabatında deyilir.
Qeyd edək ki, İsrail artıq 7 aya yaxındır ki, Qəzza zolağında aktiv döyüşlər aparır.
“Müharibə doqquz ay davam edərsə, yoxsulluq səviyyəsinin 38,8%-dən 60,7%-ə yüksələcəyi proqnozlaşdırılır. Bu, orta təbəqənin böyük hissəsinin yoxsulluq həddinin altında qalmasına gətirib çıxaracaq”, deyə BMT sənədİNdə deyilir.
BMT-nin İnkişaf Proqramı qeyd edir ki, iyul ayına qədər, münaqişənin eskalasiyası başlayandan bəri, təxminən 1,86 milyon fələstinlinin yoxsulluq həddinin altına düşmə ehtimalı var.
Hesabat müəllifləri həmçinin qeyd edirlər ki, münaqişə işğal olunmuş Fələstin ərazilərində işsizliyin kəskin artmasına, Qəzza zolağında görünməmiş həddə çatmasına səbəb olub.
2024-cü ilin birinci rübünə olan məlumata görə, Fələstində işsizlik 57% təşkil edib.
Poliqon.info
Digərxəbərlər
Populyar xəbərlər
