Ötən həftə Birləşmiş Ştatlar Qəzza zolağının cənubundakı Rəfah şəhərinə hücumda istifadə oluna biləcəyi səbəbinə görə 3500 bombanın çatdırılmasını təxirə salıb...
Poliqon xəbər verir ki, bu barədə The New York Times qəzeti və Associated Press Agentliyi mənbələri məlumat yayıb.
ABŞ hökumətindəki mənbələrə görə, prezident Co Bayden ağır bombaların tədarükünü, bu sursatların Rəfaha atılacağına dair narahatlıqlar səbəbindən gecikdirib. Hazırda isə ABŞ administrasiyası hədəfləmə sistemləri də daxil olmaqla, silahların tədarükünü dayandırıb- dayandırmamaq barədə düşünür.
İsrail rəsmiləri də bu həftə “Axios”a ABŞ-ın silah tədarükünü dayandırdıqlarını söyləyiblər, lakin ABŞ rəsmiləri bu məlumatı mayın 7-i axşama qədər brifinqlərdə və ya özəl olaraq təsdiqləməkdən imtina ediblər. Silahların dayandırılmasının təsdiqi İsrailin Rəfaha tanklar göndərməsindən bir neçə saat sonra gəlib.
ABŞ rəsmilərindən biri deyib ki, Ağ Ev keçən ay İsrailin Rəfahda əməliyyat keçirməyə qərar verdiyi bəlli olduqdan sonra silah tədarükünə yenidən baxmağa başlayıb.
Qeyd edək ki, Rəfah şəhəri Qəzza zolağının cənubunda, Misirlə sərhəddə yerləşir. Hazırda şəhərə bir milyondan artıq qaçqın sığınıb.
Bir gün əvvəl İsrailin müdafiə naziri Yoav Qalant bildirib ki, İsrail HƏMAS hərəkatı tamamilə məhv edilənə qədər Rəfahda hərbi əməliyyatı davam etdirəcək. Eyni zamanda o, qeyd edib ki, HƏMAS yaraqlıları tərəfindən saxlanılan girovların azad edilməsi ilə bağlı razılıq əldə edilməklə əməliyyat dayandırıla bilər.
Poliqon.info
Digərxəbərlər
Populyar xəbərlər
