Dünən ABŞ-ın keçmiş prezidenti Donald Trampın məhkəməsinin davam etdiyi Manhetten məhkəməsində porno aktrisa Stormi Daniels bütün günü dindirilib...
Poliqon The Washington Post qəzetinə istinadən xəbər verir ki, Donald Tramp 2016-cı ildə porno aktrisayla on il yaşadığı sekslə bağlı susması üçün qanunsuz olaraq 130 min dollar ödəməkdə ittiham olunur.
Dindirilmə zamanı Stormi Daniels uşaqlığından danışmağa başlayıb. Onun sözlərinə görə, Luiziana ştatında aztəminatlı ailədə böyüyüb və baytar olmaq istəyib, lakin rəqqasə kimi işləməyə başlayıb və bu işdə daha çox qazana biləcəyini anlayıb.
Porno aktrisa 21 yaşında çılpaq halda rəqslər ifa etməyə başladığını və sonra böyüklər üçün kino sənayesində çalışdığını bildirib.
Porno aktrisa Donald Trampla 2006-cı ildə Taho gölündəki kurortda keçirilən qolf turnirində tanış olub. Cinsi əlaqədən sonra Donald Tramp onu özünün “The Apprentice” televiziya şousunda iştirak etməyə dəvət edib. Eyni zamanda, keçmiş aktrisa məhkəmədə bildirib ki, o, Donald Trampdan imtina etməsə də, prezervativsiz cinsi əlaqəyə açıq şəkildə razılıq verməyib.
On il sonra, seçki kampaniyası ərəfəsində, aktrisanın dediyinə görə, Donald Trampın keçmiş vəkili Maykl Koen bu barədə susmaq üçün ona 130 min dollar ödəyib.
Poliqon.info