Keçən il iki mühacirət dalğası yaşanıb və 1 milyona yazın insanın ölkədən çıxması və 300 minə yaxın kişinin səfərbər olunması əmək bazarını daha da daraldıb...
Poliqon xəbər verir ki, bu barədə Wall Street Journal nəşri məlumat yayıb. Qəzet yazır ki, onsuz da sanksiyalar və beynəlxalq təcridlə problemlər yaşayan Rusiya iqtisadiyyatı zəiflədib.
Rusiya Mərkəzi Bankı 1998-ci ildə məlumatların toplanmasına başlanandan bəri şirkətlər arasında ən böyük kadr çatışmazlığı barədə məlumat verib. 35 yaşa qədər işçilərin sayı 1,3 milyon nəfər azalıb. Nəticə etibarı ilə müəssisələrdə iqtisadiyyatı gücləndirmək və müharibəni dəstəkləmək üçün lazım olan proqramçılar, mühəndislər, qaynaqçılar və neft qazmaçıları da daxil olmaqla ixtisaslı işçilər çatışmır.
Bu problemi həll etmək üçün Vladimir Putin işçi qüvvəsinin xaricə axınının qarşısını almaq üçün tədbirlərin, o cümlədən maliyyə və sosial stimulların işlənib hazırlanmasını əmr edib. Hökumət əvvəllər texnologiya işçilərini saxlamaq üçün vergi güzəştləri, daha yaxşı kreditlər və subsidiyalaşdırılmış ipoteka təklif etmişdi. Bununla belə, işçi qüvvəsinin çatışmazlığı bütövlükdə iqtisadiyyata təsir göstərərək şirkətləri əmək haqqını artırmağa məcbur edib. Bu isə inflyasiyaya gətirib çıxarıb, korporativ mənfəətə və investisiya planlarına ziyan vurub.
Məlumatda o da qeyd edilir ki, bu əsrin sonuna qədər Rusiya əhalisinin beşdə birdən çox azalacağı proqnozlaşdırılır ki, bu da iqtisadiyyata əhəmiyyətli təsir göstərir.
Poliqon.info