Neo-nasist və ağ supremasist (ağ irqçi) hərəkatlar bir sıra ölkələrdə daxili təhlükəsizliyə ən böyük təhdid halına gəlir...
Poliqon xəbər verir ki, bunu Birləşmiş Millətlər Təşkilatının Baş katibi Antonio Quterreş deyib.
“İŞİD və “Əl-Qaidə” Afrikadakı filialları Sahel kimi yerlərdə sürətlə üstünlük qazanır və cənuba - Qvineya körfəzinə doğru irəliləyir. Neo-nasist və ağ irqçi hərəkatlar sürətlə bir sıra ölkələrdə əsas daxili təhlükəsizlik təhdidlərinə çevrilir. Terrorizmlə mübarizəyə gəlincə, biz bu qlobal təhlükəyə qarşı bir yerdə dayanmalıyıq”, deyə Baş katib bildirib.
“Çirkli pulların yuyulması, qeyri-qanuni mədənçıxarma, silah, narkotik, qədim əşyalar və insan alveri kimi cinayət fəaliyyətləri terror maliyyələşdirir. Terrorizm dünyamızı bürüyən mürəkkəb böhranlar sayəsində inkişaf edir. Qıt resurslar uğrunda rəqabəti artıran və insanları evlərini tərk etməyə məcbur edən artan iqlim dəyişikliyi də ciddi təhlükədir”, deyə Quterreş əlavə edib.
Baş katib kiberməkanda ayrı-seçkilik təhlükəsi və nifrət ritorikasına qarşı xəbərdarlıq edib: "Biz bu illər ərzində bəzi mühüm nailiyyətlər əldə etsək də, terrorizm və zorakı ekstremizm kök salmaqda və böyüməkdə davam edir".
Poliqon.info
Digərxəbərlər
Populyar xəbərlər
