Qırğızıstan parlamentinin deputatları ikinci və üçüncü oxunuşda dövlət bayrağının dizaynının qismən dəyişdirilməsi təklifini dəstəkləyiblər...
Poliqon “Sputnik Qırğızıstan” portalına istinadən xəbər verir ki, parlamentin qərarı ilə bayrağın üzərindəki günəş şüaları artıq dalğalı deyil, düz şəkildə olacaq. Dəyişikliyə səbəb dalğalı günəş şüalarının ölkənin əsas simvolunu Qırğızıstanla əlaqəli olmayan günəbaxanı xatırlatması olub.
Bayrağın dəyişdirilməsinin lehinə 59 deputat, əleyhinə isə 5 deputat səs verib. Noyabrın sonunda parlament üzvləri düzəlişləri birinci oxunuşda qəbul ediblər.
“Sputnik Qırğızıstan” qeyd edir ki, hazırkı formatda dövlət bayrağının təsviri olan bütün növ rəsmi sənədlər etibarlılıq müddəti bitənə qədər etibarlı olacaq.
Qırğızıstan prezidenti Sadır Japarov bayrağın dəyişdirilməsinin onun təşəbbüsü olduğunu bildirib.
“Bundan əvvəl cəmiyyətdə aktiv fikir var idi ki, bayrağımız günəbaxan kimi görünür və bu fonda ölkə dizdən qalxa bilmir. Hətta elə hallar olub ki, bizə qonaq gələn əcnəbilər deyirlər ki, yəqin ki, bizdə günəbaxan çox əkilir”, deyə Sadır Cəfərov bildirib.
Qırğızıstan hakimiyyətinin fikrincə, düz şüalar bayraqdakı simvolu daha çox günəşə bənzədəcək.
Qeyd edək ki, Qırğızıstan bayrağı 1992-ci il martın 3-də təsdiq edilib. Üzərindəki qırmızı rəng şücaət və mərdlik, günəş həyatın əbədiliyi, əmin-amanlıq və sərvət rəmzi, alaçıqlar isə ev və qonaqpərvərlik rəmzidir.
Poliqon.info
Digərxəbərlər
Populyar xəbərlər
