Qətər bazar günü bir daha bəyan edib ki, ölkə Avropa Parlamenti ilə əlaqəsi olan şəxslərlə bağlı Belçika səlahiyyətliləri tərəfindən araşdırılan korrupsiya işində hər hansı əli olduğunu rədd edir…
Belçika hakimiyyəti dünya çempionatına ev sahibliyi edən Qətərin qərarların qəbuluna təsir etmək üçün Avropa rəsmilərinə nağd pul və hədiyyələr verməsi iddiası ilə Avropa Parlamenti ilə əlaqəsi olan 4 nəfəri ittiham edib. Qeyd edək ki, Qətər bundan əvvəl də hər hansı bir qanun pozuntusunda əli olduğunu rədd etmişdi.
Bazar günü Qətərin Avropa İttifaqındakı nümayəndəliyindən bir diplomatın verdiyi bəyanatda deyilir ki, “qərərzli qərarlar” alınan mərkəz parlamenti Qətərlə dair qanunvericiliklə bağlı bütün işləri dayandırılmasının və Qətər nümayəndələrini Aİ-nin binasına buraxılmamasına səs verməyə məcbur edib.
Həmin qərarlar Aİ-Qətər arasında vizanın sadələşdirilməsi, aviasiya razılaşmaları və planlaşdırılan səfərlərə təsir göstərir. “Belə ayrı-seçkilik xarakterli məhdudiyyətlərin tətbiqi, regional və qlobal təhlükəsizliyə dair əməkdaşlığa, eləcə də qlobal enerji çatışmazlığı və təhlükəsizliyi ətrafında davam edən müzakirələrə mənfi təsir göstərəcək”, deyə diplomat bildirib.
Qətərli diplomatın açıqlamasında “İstintaqda Qətər yalnız tənqid və hücuma məruz qalıb və Belçika hökumətinin faktları müəyyən etmək üçün hökumətimizlə əlaqə saxlamaq üçün heç bir səy göstərmədiyindən" dərin məyusluq ifadə edilir.
Qeyd edək ki, Avropa Parlamentinin sözçüsü ittihamı şərh etməkdən imtina edib.
Belçika Ədliyyə Nazirliyi və Federal Prokurorluğunun sözçüləri də şərh tələblərinə dərhal reaksiya verməyiblər.
Nazirlik çərşənbə günü bildirib ki, qurumun xəfiyyə xidməti rüşvət qalmaqalını açmaq üçün bir ildən çox müddət ərzində digər Avropa ölkələri ilə sıx əməkdaşlıq edib.
pia.az