Qazaxıstan parlamenti ölkə prezidenti Kasım-Jomart Tokayevin Yaxın Şərqdəki Qolan yüksəklikləri bölgəsinə 139 hərbi qulluqçu göndərilməsi təklifini dəstəkləyib...
Poliqon xəbər verir ki, qazax sülhməramlı kontingent mart ayında BMT-nin sülhməramlı missiyasının tərkibində ora gedəcəklər.
“139 nəfərlik ilk müstəqil milli sülhməramlı kontingentin hərbi texnikası, silahları vətexnikasI ilə birlikdə BMT-nin Qolan Təpələri missiyasında iştirakı xüsusilə diqqətəlayiqdir”, Qazaxıstanın müdafiə naziri Ruslan Jaksylykov bildirib.
Nazir əlavə edib ki, sülhməramlı missiyada iştirak ölkənin silahlı qüvvələrinə sülhməramlı əməliyyatlar üçün xarakterik olan zəruri döyüş bacarıqlarını əldə etməyə imkan verəcək. O, qeyd edib ki, BMT ilk dəfədir ki, Astanaya müstəqil missiya verir.
Xatırladaq ki, Qolan təpələri 1967-ci ilə qədər Suriyanın bir hissəsi olub. Altı günlük müharibə nəticəsində ərazi İsrailin nəzarətinə keçib. 1973-cü ildə Suriya Colan təpələrini geri qaytarmağa cəhd edib, lakin məğlub olub. 1981-ci ildə ərazinin İsrailə birləşdirilməsi beynəlxalq ictimaiyyət tərəfindən tanınmayıb.
Poliqon.info
Digərxəbərlər
Populyar xəbərlər
