Priqojinlə müdafiə nazirinin müavini Yevkurovun görüşündən görüntülər yayılıb. Görüntülərdə Priqojin iddia edir ki, “Vaqner” Rostovdakı bütün hərbi obyektlərə nəzarət edir...
Poliqon “Kommersant” qəzetinə istinadən xəbər verir ki, “Vaqner”ə məxsus məxsus olan “Wagner Unloading” Telegram kanalı onun rəhbəri Yevgeni Priqojinlə Rusiya Federasiyası Müdafiə nazirinin müavini, general-polkovnik Yunus-Bek Yevkurov və Baş Qərargahın Baş İdarə rəisinin birinci müavini Vladimir Alekseyev arasında görüşdən görüntülər dərc edib. Videonun təsvirində iddia olunur ki, görüş Rusiya Silahlı Qüvvələrinin Rostovdakı Cənub Hərbi Dairəsinin qərargahında keçirilir. Görüntülərdə onlar danışıqlar aparırlar. Yevgeni Priqojin də iddia edir ki, onun muzdluları şəhərdəki bütün hərbi obyektlərin nəzarət edir.
Videoda Yevgeni Priqojin bildirir ki, onlar Gerasimov və Şoyqunu alana qədə” şəhəri blokadada saxlayacaqlar. Cavabında general Yevkurov qeyd edir ki, Kiyevdə muzdluların hərəkətlərinə görə “üç gün bayram olacaq”.
Görüşlə bağlı daha sonra Yevgeni Priqojin özü başqa bir video yayımlayıb. O, bildirib ki, onun muzdluları Rostovdakı hərbi obyektlərə, o cümlədən hərbi aerodromlara nəzarət edirlər. Eyni zamanda o, vurğulayıb ki, ÖHŞ obyektləri bloklayır, lakin onların işinə mane olmur.
Rəsmilər Rostov-na-Donuda baş verənlərlə bağlı dəqiq məlumat vermirlər. İyunun 24-nə keçən gecə “Vaqner qrupu”nun təsisçisi Yevgeni Priqojin Müdafiə Nazirliyinə qarşı ittihamlardan sonra onun döyüşçülərinin Rostova daxil olduğunu bildirib.
Poliqon.info