Peskov ABŞ-dakı debat haqqında: Ümid edirik ki, Putini rahat buraxarlar...
Poliqon xəbər verir ki, Rusiya prezidentinin mətbuat katibi Dmitri Peskov ABŞ-da Respublikaçı və Demokratik partiyaların nümayəndələri Donald Tramp və Kamala Harris arasında keçirilən seçki debatlarını şərh edib.
“Biz birbaşa monitorinq apara bilmədik. Gecə idi. Bu səhər fərqli bəyanatlarla mesajlar gördük”, deyə Peskov Harrislə Tramp arasında baş tutan debatı şərh edərkən bildirib.
Peskov qeyd edib ki, Kreml hər iki namizədin Rusiya prezidenti Vladimir Putin və Rusiyanın adını çəkdiyini müşahidə edib.
“Mövqe aydındır. Birləşmiş Ştatlar bütövlükdə ölkəmizə mənfi, qeyri-dost münasibət bəsləyir. Putin soyadından ABŞ-da daxili siyasi mübarizə alətlərindən biri kimi istifadə olunub”, deyə Peskov təssüf hissi ilə bildirib.
Kremlin sözçüsü qeyd edib ki, bununla bağlı Rusiyanın öz narahatlığı var.
“Ümid edirik ki, onlar bizim prezidentimizi rahat buraxacaqlar. Əks halda, bu, amerikalı seçicilərin narahatlığıdır”, deyə Kreml nümayəndəsi vurğulayıb.
Xatırladaq ki, sentyabrın 11-də ABŞ-da Donald Tramp və Kamala Harris arasında ilk debat baş tutub.
Poliqon.info
Digərxəbərlər
Populyar xəbərlər
