ABŞ-da meşədə yoxa çıxan kişi bir aylıq axtarışlardan sonra sağ tapılıb...
Poliqon xəbər verir ki, bu barədə “Cascadia Daily News” portalı məlumat yayıb.
39 yaşlı Robert Şok iyulun 31-də Freddy adlı iti ilə gəzintiyə çıxıb. Kişi Vaşinqton ştatındakı North Cascades Milli Parkının meşələrinin bir hissəsini gəzməyi planlaşdırırıb. Bir neçə gün sonra meşə gözətçisi Şokun itini cığırda tapıb, lakin itin sahibi yaxınlıqda olmayıb.
Könüllülər və xilasedicilər itkin amerikalının axtarışına çıxıblar, itin tapıldığı əraziyə üç dəfə baxış keçiriblər. Lakin axtarışlar nəticə verməyib. Bir ay sonra tarlada işləyən könüllülər kömək üçün fəryadlar eşidiblər.
Robert Şokun sözlərinə görə, o, çayı keçdikdən sonra cığırı itirib və azıb. Amerikalı başına gələn bədbəxtliklərdən ətraflı danışa bilməyib. Yaxınları onun tədricən gücünü toplayacağına və özünə gələ biləcəyinə ümid edir.
Poliqon.info