Britaniya Rusiyaya qarşı sanksiyaların ləğvi üçün şərtləri açıqlayıb

Poliqon xəbər verir ki, bu barədə İzvestiya-ya krallığın Moskvadakı səfirliyindən məlumat verilib.

Səfirliyin sözçüsünə görə, sanksiyalar effektiv olmadığı müəyyən edilərsə və ya tətbiq olunan xarici siyasət məqsədlərinə nail olunarsa, ləğv edilə bilər.

"Məsələn, əgər Rusiyanın davranışı dəyişərsə, sanksiyalar ləğv oluna bilər", deyə diplomatik nümayəndəlik vurğulayır.

Lordlar Palatasının üzvü Riçard Balf qəzetə müsahibəsində qeyd edib ki, sanksiyaların ləğvi ilə bağlı qərar ABŞ-da veriləcək, Böyük Britaniya da onun ardınca gələcək:

"Əməliyyata ABŞ rəhbərlik edir və avropalılar onlara tabe olur. İndi ümid edirik ki, ABŞ-ın gələcək prezidenti bizi bu vəziyyətdən çıxarmaq üçün addımlar atacaq".

İyul ayında Böyük Britaniya Rusiya Federasiyasına qarşı əlavə məhdudiyyətlər tətbiq edib. Ölkə 11 neft tankerinə Ukraynanın suverenliyinə xələl gətirən fəaliyyətlərə görə sanksiya tətbiq edib.

Poliqon.info