Polşanın Baş naziri Donald Tusk abortu qanuniləşdirmək üçün qanun layihəsini açıqlayıb...
Poliqon xəbər verir ki, Polşanın Baş naziri Donald Tusk 12-ci həftəyə qədər abortun qanuniləşdirilməsi ilə bağlı qanun layihəsini Seymə (parlament) təqdim etməyə hazır olduğunu açıqlayıb. Polşada 1993-cü ildən abort əməliyyatları qadağan edilib.
Nazirlər Şurasının iclasından sonra Donald Tusk jurnalistlərə bildirib ki, onun rəhbərlik etdiyi koalisiyada abortun leqallaşdırılması məsələsində “müxtəlif fikirlər” var. Kompromis həllə nail olmaq üçün Seym nümayəndələri qadınların hüquqlarını müdafiə edən təşkilatlarla məsləhətləşiblər.
Polşanın mövcud qanunvericiliyinə görə, aborta iki halda icazə verilir. Əgər zorlamadan sonra hamiləlik varsa və ya tibbi səbəblərə görə qadınlar abort üçün müraciət edə bilərlər. Əvvəllər üçüncü bir vəziyyət var idi - dölün geri dönməz zədələnməsi riski. Lakin 2022-ci ildə Polşanın Konstitusiya Məhkəməsi bu şərti konstitusiyaya zidd elan edib.
Poliqon.info
Digərxəbərlər
Populyar xəbərlər
