Çexiya prezidenti Petr Pavel ölkəsinin Avropa İttifaqına daxil olmasının 20-ci ildönümündə alyansın genişlənməsinin yeni mərhələlərini dəstəklədiyini bildirib...
Poliqon xəbər verir ki, prezident bu barədə Çexiyanın Aİ-yə daxil olmasının 20-ci ildönümü münasibətilə keçirilən konfransda danışıb.
Pavel Aİ-nin genişlənməsinin geostrateji zərurət olduğunu bildirib:
"Əgər Qərbi Balkan ölkələri, Ukrayna, Moldova və Gürcüstanı uzun müddət Aİ-yə üzvlük astanasında qoysaq, onları Rusiya kimi avropalılara və Avropaya yaxşılıq istəməyən qüvvələrin insafına buraxacağıq".
Eyni zamanda, o, Aİ-nin islahatlarla daha yaxşı quruma çeviriləcəyini bildirib.
Bundan əvvəl Almaniyanın xarici işlər naziri Annalena Berbok Qərbi Balkan ölkələrinin tezliklə Avropa İttifaqına qəbul edilməsinə çağırıb. Macarıstanın baş naziri Viktor Orban isə Aİ-nin diqqətini Qərbi Balkanların üzvlüyünü tamamlamağa yönəltməli, sonra isə şərq genişlənməsi ilə bağlı düşünməli olduğunu bildirib.
20 il əvvəl - 2004-cü il mayın 1-də Avropa İttifaqının tarixində ən böyük genişlənmə baş verib. Şərq Blokunun keçmiş üzvləri də daxil olmaqla, eyni vaxtda 10 dövlət assosiasiyaya qoşulub. Daha sonra daha bir neçə ölkə Aİ-yə qoşulub, lakin proses faktiki olaraq 2013-cü ildə dayanıb. İndi Brüsseldə yenidən genişlənmədən danışırlar: 10 dövlət bloka daxil olmaq istəyir.
Poliqon.info