Paris meriyasında siçovullarla birgə yaşamaq üzrə işçi qrup yaradılıb...
Fransanın paytaxtında siçovulların hökmranlığı ilə mübarizə davam edir. Bu məqsədlə Paris meriyasında parislilərin yaşayış şəraitinin yaxşılaşdırılması yollarını tapmaq üçün gəmiricilərlə birgə yaşamaq üzrə işçi qrup yaradılıb.
Poliqon xəbər verir ki, bu barədə CNEWS telekanalı məlumat yayıb.
Kanal Parisin səhiyyə üzrə vitse-meri Enn Suiriyə istinadən qeyd edib ki, qrupa siçovulların yayılmasına qarşı mübarizə üçün iddialı plan hazırlamaq, o cümlədən minlərlə yeni zibil qutularının alınması və zəhərli tələlərin quraşdırılması üçün zəruri. Tədbirlər planı hazırlamaq tapşırılıb. Vitse-mer əlavə edib ki, parislilərin həyatının dözülməz olmaması üçün təsirli tədbirlər təklif etmək lazımdır.
Eyni zamanda qrup yerli sakinlər arasında profilaktikaya diqqət yetirəcək və arxalarında zibil buraxanlara təsir etmək üçün tədbirlər təklif edəcək. Çünki məhz küşələrdə və həyətlərdə qalan tullantılar siçovulların yayılmasının əsas səbəbidir.
Suiri siçovulların leptospiroz daşıyıcısı olmasına baxmayaraq, ictimai sağlamlıq problemi yaratmadığını vurğulayıb. Bu xəstəlik əsasən zibil yığanları təhdid edə bilər və onlar peyvənd oluna bilər. “Lakin bu o demək deyil ki, biz siçovulların şəhərdə gəzməsinə icazə verməliyik”, deyə Suiri əlavə edib.
Qeyd edək ki, Paris meriyası illərlə şəhərin küçələrində yaşayan çoxlu sayda siçovulla mübarizə aparmağa çalışır. Gəmiricilərlə bağlı vəziyyətin gərginləşməsinin qarşısını almaq üçün vətəndaşları küçələrə zibil atmamağa çağırır. Zibilin daha tez-tez yığılması və zəhərin yerləşdirilməsi kimi tədbirlər görülsə də, bunun heç bir ciddi təsiri olmur.
Poliqon.info