"OpenAI" maliyyələşdirmənin yeni mərhələsi üzrə danışıqlar aparır, bundan sonra süni intellekt tərtibatçısı "ChatGPT" 100 milyard dollardan çox qiymətləndirilə bilər...
Poliqon xəbər verir ki, bu barədə The Wall Street Journal qəzeti vəziyyətlə tanış olan mənbələrə istinadən yazır.
Anonimlik şərti ilə mənbələrdən biri nəşrə bildirib ki, maliyyə raunduna təxminən 1 milyard dollar investisiya etmək niyyətində olan vençur kapitalı şirkəti "Thrive Capital" rəhbərlik edə bilər.
2024-cü ilin fevralında WSJ bildirib ki, "OpenAI" 80 milyard dollar dəyərində qiymətləndirilib və bu da 10 ay əvvəlkindən təxminən 3 dəfə çoxdur. Qəzet aydınlaşdırır ki, şirkətə investisiyanın yeni mərhələsi "Microsoft"un süni intellekt tərtibatçısına təxminən 10 milyard dollar sərmayə qoyduğu 2023-cü ilin yanvarından bəri ən böyük investisiya ola bilər.
İyun ayında The Information məsələ ilə tanış olan insanlara istinadən xəbər verib ki, "OpenAI"nin baş direktoru Sem Altman şirkəti kommersiya fəaliyyəti ilə məşğul etməyi planlaşdırır. Qeyd olunur ki, yeni idarəetmə formasına keçid şirkətə IPO keçirməyə də imkan verəcək.
Poliqon.info
Digərxəbərlər
Populyar xəbərlər
