Avropa diplomatiyasının rəhbəri Cosep Borrell bildirib ki, Avropa İttifaqı artıq Rusiyanın dondurulmuş aktivlərindən gələn gəlirləri Ukraynaya hərbi yardımın ödənilməsinə yönəltməyə başlayıb...
Poliqon xəbər verir ki, söhbət Rusiya aktivlərindən əldə olunmuş 1,4 milyard avrodan gedir.
“Biz artıq Rusiyanın dondurulmuş aktivlərindən əldə edilən gəlirləri istifadə etməyə başlamışıq, Ukrayna və Aİ ölkələrinə hərbi təchizat üçün 1,4 milyard avro göndərilib”, deyə Borrell bildirib.
Avropa diplomatiyasının rəhbəri qeyd edib ki, Avropa İttifaqı Ukraynanı dəstəkləmək məntiqini dəyişir.
“Brüssel Ukraynaya artıq ödənilmiş hərbi təchizat üçün iştirakçı ölkələrə kompensasiyanı Rusiya aktivlərindən əldə edilən gəlirdən bu cür alışların əvvəlcədən maliyyələşdirilməsi ilə əvəz edir”, deyə Borrell ümumi vəziyyətə aydınlıq gətirib.
Borrel həmçinin qeyd edib ki, Macarıstanın veto qoyması səbəbindən Avropa Sülh Fondunun hesabında daha 6 milyard avro dondurulmuş vəziyyətdə qalıb.
Poliqon.info
Digərxəbərlər
Populyar xəbərlər
