Məşhur aktyorun yeni filmində diqqətçəkən Naxçıvan detalı...
Türkiyənin ATV kanalında yayımlanan “Mən bu cahana sığmazam” serialı ilk bölümündən böyük maraqla qarşılanıb. Serialda türk dövlətlərinin birliyi xüsusi yer tutur.
TNS xəbər verir ki, birinci bölümdə Azərbaycan tamaşaçılarının diqqətini cəlb edən İkinci Qarabağ savaşına həsr edilən hissə idi.
Amma serialda Azərbaycanla bağlı olduğu ehtimal edilən daha bir detal diqqəti cəlb edir. Bəylər divanının toplantısında masanın üzərində bayraqlar görünür. Azərbaycan bayrağının yanında bizim bayrağımıza bənzəyən başqa bir bayraq da qoyulub. Bu, separatçı qüvvələr tərəfindən internet resurslarında yerləşdirilən və Naxçıvanın bayrağı olduğu bildirilən bayraqdır.
Bildiyimiz kimi, Naxçıvan Muxtar Respublikası Azərbaycan Respublikasının ayrılmaz tərkib hissəsidir. Naxçıvan Muxtar Respublikasının 10-cu maddəsində yazılıb: “Naxçıvan Muxtar Respublikasının dövlət rəmzləri Azərbaycan Respublikasının Dövlət Bayrağı, gerbi və Azərbaycan Respublikasının Dövlət Himnidir”. Naxçıvanın heç vaxt bəzi internet resurslarında yerləşdirilən “bayraq” kimi dövlət rəmiz olmayıb. O zaman sual yaranır: Türkiyə serialında masanın üzərində Azərbaycan bayrağının yanında qoyulan bayraq hansı dövlətin bayrağıdır? Niyə məhz internetdə Naxçıvanın bayrağı olduğu bildirilən həmin bayraq filmin bu hissəsində görüntülənib? Əgər Naxçıvan da bir türk muxtar respublikası kimi nəzərdə tutulub filmdə yer alıbsa, o zaman bu nə bayraqdır? Suallar çoxdur. Ya bu bir texniki qüsurdur, ya da ki çox ciddi bir mesaj verilir.
Mövzuya aidiyyatı olmasa da bildirək ki, bu filmin çəkilişləri gedən zaman ATV-nin çəkiliş qrupu Naxçıvanda olub, müəyyən çəkilişlər aparıblar.
Mövzunu diqqətdə saxlayacaq, dərindən araşdıracaq, həmin bayrağın hansı məqsədlə filmdə göstərilməsini aydınlaşdırmağa çalışacağıq.
pia.az
Digərxəbərlər
Populyar xəbərlər
