Birləşmiş Ştatlar Hind-Sakit Okean (IPR) bölgəsində Çini cilovlamaq səylərinin bir hissəsi olaraq böyük, asanlıqla istehsal olunan gəmi əleyhinə silahların arsenalını toplayır...
Poliqon xəbər verir ki, bu barədə Reuters Agentliyi Amerika hərbi-sənaye kompleksinin nümayəndələrinə, ekspertlərə və hökumət sənədlərinə istinadən məlumat yayıb.
Reuters qeyd edir ki, Ukrayna böhranı təcrübəsi Amerika rəhbərliyini belə bir konsepsiyanı həyata keçirməyə sövq edib.
Avstraliya Strateji Siyasət İnstitutunun baş analitiki Euan Qraham agentliyə Çinin gəmi və ballistik raket arsenalına istinad edərək deyib: "Bu, Çinin hərəkətlərinə təbii cavabdır".
ABŞ gəmilər də daxil olmaqla, hərəkət edən obyektləri izləyə bilən QUICKSINK bombalarının sınaqlarını gücləndirib.
Xüsusilə, Birləşmiş Ştatlar "BAE Systems" ilə birlikdə "Boeing Corporation" tərəfindən hazırlanmış QUICKSINK idarəolunan bombaların sürətləndirilmiş sınaqlarını keçirir. Reuters agentliyinin məlumatına görə, ABŞ-ın Hind-Sakit Okean Komandanlığı minlərlə QUICKSINK sursat alacağını gözləyir. 2024-cü ilin aprelində regionda SM-6 və "Tomaqavk" raketləri ilə dəniz hədəflərini vura bilən Amerikanın "Typhon" raket sistemləri yerləşdirilib. Agentliyin məlumatına görə, yaxın beş ildə ABŞ regionda 800 SM-6 raketi yerləşdirməyi gözləyir. Mütəxəssislərin fikrincə, Çin hələ də bu tip raketlərin sayında böyük üstünlüyə malik olacaq və onları öz ərazisində yerləşdirə biləcək, lakin QUICKSINK istehsalının artırılması bu fərqi azaldacaq. Reuters qeyd edir ki, nəticədə 370-ə yaxın Çin gəmisi gələcək münaqişə zamanı daha çox risk altında olacaq.
Avqust ayında ABŞ prezidenti Co Baydenin ilk dəfə Çini cilovlamaq planından bəhs edən məxfi nüvə strategiyasını təsdiqlədiyi bildirilmişdi. Bayden bu ilin iyununda Time jurnalına verdiyi müsahibədə hipotetik Çin işğalı halında Tayvanı müdafiə etmək üçün ABŞ ordusundan istifadə edəcəyini istisna etmir.
Poliqon.info