Paşinyan: Türkiyədə Ermənistanla münasibətlərə baxışda dəyişikliklər olub

Poliqon xəbər verir ki, bunu Ermənistanın baş naziri Nikol Paşinyan II Dünya Erməni Sammitində ölkənin təhlükəsizlik sisteminin gələcəyini qısa və uzunmüddətli perspektivdə necə gördüyü barədə sualı cavablandırarkən bildirib.

Bu kontekstdə Paşinyan regionda aqressiya səviyyəsinin azaldılmasının vacib olduğunu vurğulayıb.

"Aydındır ki, bizim Gürcüstan və İranla xüsusi, dərin əlaqələrimiz var və mən hesab etmirəm ki, burada uzunmüddətli perspektivdə Türkiyə ilə diplomatik əlaqələr qurmalı və quru sərhədini açmalıyıq", deyə baş nazir qeyd edib.

Paşinyan Türkiyədə Ermənistana münasibətdə dəyişikliklərə də diqqət çəkərək, hər iki ölkənin xüsusi nümayəndələri arasında danışıqların vacibliyini vurğulayıb. Hələlik əhəmiyyətli praktik nəticələr əldə edilməsə də, baş nazir Ermənistanla Türkiyə arasında kommunikasiyanın davam etməsini vacib sayır.

Qeyd edək ki, 2021-ci ilin sonunda İrəvan və Ankara münasibətlərin normallaşması ilə bağlı danışıqlara başlayıb. 2022-ci ildə Vyanada üçüncü ölkə vətəndaşlarının sərhədi keçməsinin mümkünlüyü və birbaşa hava nəqliyyatı ilə yük daşımalarının başlanması ilə bağlı razılıq əldə olunub, lakin məsələ həllini tapmayıb.

Poliqon.info