Radikal şiə hərəkatı “Hizbullah” Livanda peycerlərin partladılmasına görə cavab verəcəyini vəd edib...
“Hizbullah” hərəkatı Livanda peycerləri partlatdığına görə İsrailə cavab verəcəyini vəd edib.
Poliqon “RİA Novosti” Agentliyinə istinadən xəbər verir ki, bu barədə hərəkatın partlayan qurğularla bağlı bəyanatında bildirilib.
“Livandakı İslam Müqaviməti əvvəlki kimi Qəzzəyə dəstək əməliyyatlarını davam etdirəcək. Bu, davam edən bir prosesdir, lakin çərşənbə axşamı günü Livan xalqına qarşı törətdiyi qırğına görə düşmən gözlədiyi sərt cavab ayrı olacaq”, deyə təşkilatların nümayəndələri bildiriblər.
Xatırladaq ki, sentyabrın 17-də axşam saatlarında Livanda peycerlər partladılıb və partlayışlar nəticəsində azı 4 min adam yaralanıb. Ölkənin Səhiyyə Nazirliyi xəstəxanalarda fövqəladə rejim elan edib.
İlkin sübutlar göstərir ki, partlayışlar İsrail kəşfiyyat orqanlarının “Hizbullah” üzvlərinin peycerlərinə kiberhücum nəticəsində baş verib. Qapalı kanal vasitəsilə göndərilən mesajdan sonra qurğular partlayıb.
“Əl-Cəzirə” telekanalı mənbələrə istinadən xəbər verir ki, peycerlərə Livana gətirilməmişdən əvvəl partlayıcılar yerləşdirilib.
Poliqon.info
Digərxəbərlər
Populyar xəbərlər
