Livan “Hizbullah” hərəkatının baş katibi Həsən Nəsrullah peycerlərdə baş verən partlayışlarda xəsarət almayıb...
APA xəbər verir ki, bu barədə “Reuters“ polisdəki mənbələrə istinadən məlumat yayıb.
“Hizbullah” hərəkatı Livanda rabitə cihazlarının partladılması ilə bağlı təfərrüatlı təhqiqat aparır. Bu barədə hərəkatın "Telegram" kanalında dərc olunan bəyanatda deyilir.
BMT Livanda yüzlərlə insanın yaralanmasına səbəb olan peycerlərin partlayışlarından son dərəcə narahatdır və dinc əhalinin ölümünü pisləyir.
Bunu brifinqdə təşkilatın rəhbərinin rəsmi nümayəndəsi Stefan Düjarrik deyib.
***
Livanın paytaxtı Beyrutun Dahiyə məhəlləsində "Hizbullah" tərəfindən istifadə edilən portativ rabitə qurğularının partlaması nəticəsində ölənlərin sayı 1500-ə çatıb.
“Report” xəbər verir ki, bu barədə xarici KİV məlumat yayıb.
Bildirilib ki, hadisə nəticəsində yaralanan İran səfiri Müctəba Əman xəstəxanaya yerləşdirilib. Onun durumu ağır deyil.
Livanın səhiyyə nazirinin səlahiyyətlərini icra edən Firas Abyad bildirib ki, ölkə xəstəxanaları qurbanlarla doludur: “Biz bütün tibb müəssisələrində yüksək hazırlıq elan etmişik, bir neçə yüz həkim səfərbər olunub”, - o deyib.
F.Abyad qeyd edib ki, yaralıları çatdırmaq üçün 50 təcili yardım maşını səfərbər olunub.
Onun sözlərinə görə, partlayışlar İsrailin təxribatı nəticəsində baş verib.
***
Livanın paytaxtı Beyrutun Dahiyə məhəlləsində baş verən partlayışda "Hizbullah"ın minə yaxın döyüşçüsü yaralanıb.
“Report” xəbər verir ki, bu barədə “Röyters” agentliyi məlumat yayıb.
Bildirilib ki, Livanda partlayan rabitə cihazları "Hizbullah"ın son aylarda əldə etdiyi modellərdəndir.
***
Livanın paytaxtı Beyrutun Dahiyə məhəlləsində "Hizbullah" tərəfindən istifadə edilən portativ rabitə qurğularının partlaması nəticəsində yüzlərlə döyüşçü yaralanıb.
"Report" xəbər verir ki, bu barədə İran KİV-i məlumat yayıb.
Bildirilib ki, qurğular Livanın cənubunda partlayıb. Məlumata görə, partlayış yarım saat davam edib.
Livan Səhiyyə Nazirliyi bütün ölkədə baş verən partlayışlardan sonra insanları rabitə cihazlarından uzaq durmağa çağırıb.
İddialara görə, rabitə qurğuları İsrail tərəfindən partladılıb. Hadisə ilə bağlı İsrail tərəfindən heç bir şərh verilməyib.
"Hizbullah" mənbələri bunu İsraillə təxminən bir ildir davam edən müharibədə ən ciddi təhlükəsizlik problemi kimi qiymətləndirib.
Beyrutdakı partlayışda İran səfiri Müctəba Əmani də yaralanıb.
Poliqon.info
Digərxəbərlər
Populyar xəbərlər
