İsrail Müdafiə Qüvvələri (IDF) İordan çayının qərb sahilindəki Cenin və Tulkərm şəhərlərində “terrorla mübarizə” əməliyyatı keçirib...
Poliqon xəbər verir ki, bu barədə “Əl-Cəzirə” telekanalı məlumat yayıb. Bundan bir qədər əvvəl Fələstin Səhiyyə Nazirliyi İsrailin Cenin bölgəsinə hücumu nəticəsində iki fələstinlinin öldüyünü bildirmişdi.
“Əl-Cəzirə” Fələstin Səhiyyə Nazirliyinə istinadən bildirib ki, İsrailin avqustun 27-də İordan çayının qərb sahilinə endirdiyi zərbə nəticəsində 25 və 39 yaşlı kişilər həlak olub. Daha iki nəfər yaralanıb.
Həmçinin bu həftə İsrail də İordan çayının qərb sahilinə hava hücumu təşkil edib. Fələstin tərəfi 5 nəfərin öldüyünü bildirib.
Poliqon.info