Türkiyə Amerika qırıcıları üçün Rusiya hava hücumundan müdafiə sistemlərindən imtina etməyə hazırdır...
Poliqon xəbər verir ki, bu barədə Türkiyənin “Cumhuriyet” qəzeti yazıb.
Nəşr yazır ki, Rusiya S-400 HHM sistemlərindən imtina etməklə bağlı Türkiyə ABŞ-a təklif verib. Bu təklifə əsasən, Ankara Amerikanın yeni nəsil F-35 qırıcılarının alınması müqabilində Rusiyadan aldığı S-400 hava hücumundan müdafiə sistemlərindən istifadə etməkdən imtina edir.
Qəzet qeyd edir ki, Türkiyə F-35 proqramına qayıtmaq üçün S-400-ləri hazırda yerləşdikləri anbarlarda Vaşinqtonun nəzarəti altında saxlamağı öhdəsinə götürür. Bunun müqabilində Ankara bir F-35 eskadronu və bir eskadrilya F-35B almaq istəyir.
Türkiyə rəsmiləri hələlik bu məlumatı şərh etməyiblər.
Qeyd edək ki, bu ilin fevralında Ağ Evin Strateji Kommunikasiyalar üzrə koordinatoru Co Kirbi demişdi ki, Rusiya S-300 və S-400 hava hücumundan müdafiə sistemlərinin mövcudluğuna görə ABŞ Türkiyəni beşinci nəsil F-35 qırıcıları ilə təmin edə bilməz.
Poliqon.info
Digərxəbərlər
Populyar xəbərlər
