Hindistanın Andhra Pradeş ştatında əczaçılıq zavodunda reaktorun partlaması nəticəsində baş verən yanğında ölənlərin sayı 17 nəfərə çatıb, 30-dan çox insan yaralanıb...
"Report" xəbər verir ki, bu barədə NDTV kanalı məlumat yayıb.
Binada olan işçilərin yanıq xəsarətləri alaraq xəstəxanalara aparıldığı qeyd edilir.
Yanğınsöndürənlər fövqəladə hadisə yerində işlərini davam etdirirlər.
Zavodda ümumilikdə iki növbədə 380 nəfər işləyir.
***
Hindistanda “Escientia” əczaçılıq şirkətinin dərman preparatları istehsal olunan zavodunda baş verən partlayış nəticəsində 14 nəfər ölüb, 18 nəfər müstəlif dərəcəli bədən xəsarətləri ilə xəstəxanaya yerləşdirilib.
“Report” xəbər verir ki, bu barədə “The Indian Express” mənbələrinə istinadən məlumat yayıb.
Məlumata görə, insident Andhra Pradeş ştatının Anakapalle şəhərindəki zavodda baş verib. Orada bir çox əczaçılıq şirkətinin yerləşdiyi Atçutapuram Xüsusi İqtisadi Zonası yerləşir.
“Əczaçılıq reaktoru partlayıb, daha sonra isə orada yanğın başlayıb. Yanğının səbəbi qısaqapanma olub”, - ştat polisinin açıqlamasında deyilir.
Qeyd olunur ki, partlayışdan sonra başlayan yanğını söndürmək üçün onlarla yanğınsöndürən maşın hadisə yerinə cəlb edilib.
Poliqon.info