Müdafiə Nazirliyinin rəhbəri Antti Hyakkyanen bildirib ki, Finlandiya NATO-nun bir neçə ölkəsi ilə ölkə ərazisində mümkün qoşun yerləşdirməsi ilə bağlı danışıqlar aparır...
Poliqon Finlandiyanın “Yle” nəşrinə istinadən xəbər verir ki, Hyakkyanen danışıqların hansı ölkələrlə aparıldığını dəqiqləşdirməyib, lakin bildirib ki, söhbət Şimali Avropa dövlətlərindən və alyansın digər üzvlərindən gedir.
Müdafiə naziri qeyd edib ki, hazırda NATO ölkələrinin Finlandiyanın təhlükəsizliyini təmin etmək üçün hansı qoşun strukturlarını ayıra biləcəyi müzakirə olunur. Müdafiə idarəsi rəisinin sözlərinə görə, hərbçilər Finlandiyada uzun müddət yerləşdirilə bilər, lakin daimi əsaslarla deyil.
“Söhbət real hərbi təhlükənin olmadığı, lakin vəziyyətin gərgin olduğu, yəni vəziyyətin NATO nizamnaməsinin beşinci maddəsinə aid olduğu situasiyalardan gedir”, deyə “Yle” Antti Hyakkyanendən sitat gətirir.
Qeyd edək ki, NATO nizamnaməsinin beşinci maddəsi alyansa üzv olan ölkələrdən birinə hücum zamanı kollektiv müdafiəni nəzərdə tutur.
Poliqon.info
Digərxəbərlər
Populyar xəbərlər
