Hindistanın baş naziri Narendra Modi ölkəsinin Avropada sülhün tərəfdarı olduğunu bildirib və beynəlxalq ictimaiyyəti Ukraynadakı münaqişənin həlli məsələsini birgə səylərlə həll etməyə çağırıb...
Poliqon “Hindustan Times” nəçrinə istinadən xəbər verir ki, baş nazir bu barədə Kiyevə səfərindən əvvəl danışıb.
“Hindistan Buddanın ənənəsinə inanır, ona görə də müharibəyə deyil, sülhü alqışlayır. Hindistan regionda sülhün tərəfdarıdır və aydındır ki, indi müharibə vaxtı deyil. Problemlərlə mübarizə aparmaq üçün birlikdə olmalıyıq. Hindistan diqqətini diplomatiya və dialoqa yönəldir”, deyə Modi Ukraynaya səfərindən əvvəl gəldiyi Polşada hind diasporu ilə görüşdə bildirib.
Hindistanın baş naziri həmçinin qeyd edib ki, ikitərəfli əməkdaşlığın gücləndirilməsi ilə bağlı Ukrayna hakimiyyəti ilə söhbəti səbirsizliklə gözləyir. Modi həmçinin Vladimir Zelenski ilə münaqişənin həlli ilə bağlı fikir mübadiləsi aparmaq niyyətindədir.
“Dostlar və tərəfdaşlar olaraq biz regiona sülh və sabitliyin tezliklə qaytarılmasına ümid edirik”, deyə Narendra Modi əlavə edib.
Qeud edək ki, bu gün Narendra Modi Polşaya gəlib və onun baş nazir Donald Tusk ilə görüşü gözlənilir. Modinin avqustun 23-də Ukraynaya gedəcəyi gözlənilir.
Poliqon.info