Yəmən sahillərində Britaniya gəmisi 24 saat ərzində üçüncü dəfə hücuma məruz qalıb...
Poliqon xəbər verir ki, bu barədə Kral Donanmasının Dəniz Ticarət Əməliyyatlarının Koordinasiya Mərkəzinin (UKMTO) saytında məlumat verilib.
Hücumun dəqiq kim tərəfindən həyata keçirildiyi bəlli deyil, lakin böyük ehtimalla hücumu Yəmən husiləri həyata keçirib.
Qeyd edək ki, bundan əvvəl husilər Qırmızı dənizdə “Sounion” tankerinə hücum edərək ekipaj üzvünü yaralamışdılar.
Qəzza zolağında İsrail və HƏMAS arasında müharibənin fonunda, Yəmənin husi üsyançıları 2023-cü ilin oktyabr ayının əvvəlində Qırmızı dənizdə ticarət və hərbi gəmilərə hücum etməyə başlayılar. Bu məqsədlər üçün pilotsuz təyyarələr və raketlərdən istifadbə olunur.
Husilər deyirlər ki, onlar yalnız İsrail limanlarına üz tutan və ya sahiblərinin İsraillə əlaqəsi olan gəmiləri hədəf alırlar. Lakin onların hərəkətləri beynəlxalq daşımalara mane olmağa başlayıb.
Bir sıra şirkətlər artıq gəmilərini Ədən körfəzini Qırmızı dənizə birləşdirən və dünya üçün mühüm gəmiçilik marşrutu olan Bab əl-Məndeb boğazından keçirmirlər.
Poliqon.info
Digərxəbərlər
Populyar xəbərlər
