ABŞ-da prezident seçkilərində müstəqil namizəd kimi iştirak edən kiçik Robert Kennedi bu həftənin sonuna kimi yarışdan çıxmağı planlaşdırır...
Poliqon xəbər verir ki, bu barədə ABC News telekanalı mənbələrə istinadən məlumat yayıb.
Mənbələrin fikrincə, kiçik Kennedi hələ son qərarını verməsə də, keçmiş prezident Donald Trampı dəstəkləməyə meyllidir.
Qeyd edilir ki, kiçik Kennedi müraciətini avqustun 23-də yayımlamağı planlaşdırır. Tramp daha əvvəl demişdi ki, noyabrda qalib gəlsə, Kennedini öz administrasiyasında görmək istəyir.
Bundan əvvəl The Washington Post qəzeti yazıb ki, kiçik Kennedi seçkilərdə qalib gələcəyi təqdirdə Amerika administrasiyasında vəzifə almaq ümidi ilə hazırkı vitse-prezident Kamala Harrislə görüşmək istəyib. Nəşrin yazdığına görə, Harris və onun məsləhətçiləri görüş tələbinə cavab verməyiblər.
Poliqon.info