Donald Trampın seçki qərargahı Harrisin manipulyasiyada qalib gəldiyini göstərən sorğunun müəlliflərini ittiham edib...
ABŞ prezidentliyinə namizəd Donald Trampın qərargahı CBS News telekanalını və “YouGov” tədqiqat təşkilatını məlumatlarla manipulyasiya etməkdə günahlandırıb.
Poliqon xəbər verir ki, bu barədə Respublikaçılar Partiyasının namizədinin seçki qərargahının bəyanatında bildirilir.
İttihama səbəb ölkədə keçirilən hipotetik seçkidə vitse-prezident Kamala Harrisin qalib gəldiyini göstərən sorğunun nəticələrinin hesablanması olub.
“CBS və “YouGov”un qeydiyyatdan keçmiş seçicilər arasında apardığı ən son sorğu, Tramp və Kamala Harris arasında fərqi birbaşa səsvermədə ümummilli miqyasda səhv marjasının dəyişdiyini göstərir”, deyə bəyanatda deyilir.
Sənəddə həmçinin qeyd olunur ki, saxtakarlıq tamamilə metodoloji qərarın nəticəsidir. Seçki qərargahının nümayəndəsinin fikrincə, bu manipulyasiya olmasaydı, Ağ Evin keçmiş rəhbəri Tramp liderliyi qoruyub saxlaya bilərdi.
Qeyd edək ki, sözügedən sorğu iyulun 30-dan avqustun 2-dək aparılıb. Sorğuda ümumilikdə 3102 qeydiyyatdan keçmiş seçici iştirak edib və səhv marjası təxminən 2,1 bal təşkil edib. Sorğunun nəticələrinə görə Harris Trampı artıq qabaqlayıb.
Poliqon.info