Macarıstan Rusiya və Ukrayna nümayəndə heyətləri arasında danışıqlar üçün öz ərazisində platforma yaratmağa hazırdır...
Poliqon xəbər verir ki, bu barədə ölkənin xarici işlər və xarici iqtisadi əlaqələr naziri Peter Siyyarto bildirib. Nazir qeyd edib ki, Macarıstan belə bir təşəbbüslə münaqişə başlayandan dərhal sonra çıxış edib.
Siyyartonun sözlərinə görə, hələ 2022-ci ilin fevralında o, Rusiyanın xarici işlər naziri Sergey Lavrov və Ukrayna prezidentinin ofisinin rəhbəri Andrey Ermakla əlaqə saxlayıb və Macarıstanın danışıqları asanlaşdırmağa hazır olduğunu bildirib.
“Hər ikisinə eyni şeyi dedim. Biz Macarıstanda hər iki tərəfə bərabər şərait, bərabər təhlükəsizlik və bərabər şansların veriləcəyi istənilən yeri təklif etməyə həmişə hazırıq. Bildirdim ki, bizə ehtiyacınız varsa, biz sizin ixtiyarınızdayıq”, deyə nazir “RİA Novosti” Agentliyinə bildirib.
Poliqon.info