Keçən ay tarixin ən isti iyun ayı olub və bu il dünyanın ən isti iyunu ola bilər...
Poliqon xəbər verir ki, bu barədə Reuters Agentliyi məlumat yayıb.
2023-cü ilin iyun ayından etibarən hər ay əvvəlki illərin müvafiq ayı ilə müqayisədə planetin ən isti ayıdır. Bu barədə Avropa İttifaqının İqlim Dəyişikliyi Xidməti Copernicus-un (C3S) aylıq bülletenində deyilir.
Son məlumatlara görə, 2024-cü il tarixin ən isti ili kimi 2023-cü ili ötüb keçə bilər. Alimlər bildirirlər ki, antropogen iqlim dəyişikliyi və təbii El Nino hava fenomeni bu il temperaturun rekord həddə çatmasına səbəb olub.
"Hesab edirəm ki, 2024-cü ilin 2023-cü ili keçəcəyi ehtimalı təxminən 95%-dir", deyə tədqiqatçı alim Zeke Hausfater bildirib.
Ötən ay Məkkəyə həcc ziyarəti zamanı 1000-dən çox insan həddindən artıq istidən ölüb. Hindistanın misli görünməmiş uzun müddətli isti dalğasının baş verdiyi Yeni Dehlidə və Yunanıstanda ölüm halları qeydə alınıb.
Qalıq yanacaqların yandırılması nəticəsində yaranan istixana qazı emissiyaları iqlim dəyişikliyinin əsas səbəbidir. Qlobal istiləşmə ilə mübarizə aparacağına dair vədlərə baxmayaraq, ölkələr indiyədək bu tullantıları kollektiv şəkildə azalda bilməyiblər və bu, temperaturun durmadan yüksəlməsinə səbəb olub.
Son 12 ayda qlobal orta temperatur istənilən dövr üçün rekord həddə çatıb. O, sənayedən əvvəlki 1850-1900-cü illərdəki orta temperaturu 1,64 dərəcə üstələyib.
Poliqon.info
Digərxəbərlər
Populyar xəbərlər
