Avstriya kansleri Karl Nehammer bildirib ki, onun Ukraynadakı münaqişə ilə bağlı mövqeyi Fransa prezidenti Emmanuel Makronun mövqeyindən fərqlənir...
Poliqon xəbər verir ki, bu barədə Avstriya kansleri “Le Figaro” nəşrinə müsahibəsində bildirib. Kanslerin sözlərinə görə, Makron “təhdid prinsipinin tərəfdarıdır”, kansler isə “ehtiyat prinsipinin tərəfdarıdır”. Eyni zamanda, onların hər ikisi Ukraynaya dəstək və həmrəylik məsələlərində eyni mövqedən çıxış edirlər.
“Biz həmçinin hesab edirik ki, münaqişə tərəflərinin bir-biri ilə yenidən ünsiyyət qurması formatına ehtiyac var. Bunun əsası Vladimir Zelenskinin sülh planıdır. Ona görə də biz davamlı sülhün bərqərar olması məqsədi ilə razıyıq. Razılaşmadığımız yer bu məqsədə çatmaq üçün yol seçimindədir. Mən də hesab edirəm ki, nəzarətsiz eskalasiyadan qaçmaq üçün ehtiyat prinsipini tətbiq etməliyik”, deyə Avstriya kansleri mövqeyini izah edib.
Xatırladaq ki, fevralın 26-da Avropa İttifaqı liderləri ilə görüşdən sonra Fransa prezidenti Avropa qoşunlarının Ukraynaya göndərilməsini istisna etməyib.
Poliqon.info
Digərxəbərlər
Populyar xəbərlər
