Moldova prezidenti Maya Sandu Kişinyovun qadağasına baxmayaraq, Dnestryanıda Rusiya prezident seçkiləri üçün səsvermə məntəqələrinin açılmasına reaksiya verib...
Poliqon xəbər verir ki, Moldova prezidentin sözlərinin görə, Moskva ölkəyə hörmətsizlik nümayiş edib və suverenliyə meydan oxuyub.
"Bu, Rusiyanın Moldovanın suverenliyinə və ərazi bütövlüyünə meydan oxuduğu yeni bir hərəkətdir. Bu, Moldovaya və onun vətəndaşlarına hörmətsizliyin nümayişidir", deyə Maya Sandu bildirib.
Xatırladaq ki, martın 17-də Dnestryanıda Moldova hakimiyyətinin qadağasına baxmayaraq, Rusiya prezident seçkilərində səs vermək üçün 6 seçki məntəqəsi açılıb. Moldova Xarici İşlər Nazirliyi Rusiya Federasiyasında prezident seçkiləri üçün Dnestryanı ərazisində səsvermə məntəqələrinin qurulması ilə əlaqədar Rusiya nümayəndəsinə etirazını bildirib. Nazirliyin fikrincə, Rusiya hakimiyyətinin hərəkətləri beynəlxalq hüququn kobud şəkildə pozulmasıdır.
Milli Moldova Partiyasının (PNM) lideri Draqos Qalbur Moskvanın Dnestryanıda prezident seçkilərində səs vermək üçün seçki məntəqələrini açması ilə əlaqədar respublika hakimiyyətini Rusiya səfiri Oleq Vasnetsovu ölkədən qovmağa çağırıb. Qalburun sözlərinə görə, bu addım açıq-aşkar hörmətsizlik aktı və beynəlxalq hüququn pozulmasıdır.
Poliqon.info