Yens Stoltenberq Trampın seçkidə qalib gələcəyi təqdirdə ABŞ-ın NATO-dan çıxacağına şübhə ilə yanaşıb...
ABŞ-ın keçmiş prezidenti Donald Tramp növbəti prezident seçkilərində qalib gəlsə belə, Vaşinqtonun faktiki olaraq NATO-dan çıxacağı ehtimalı yoxdur.
Poliqon Politico nəşrinə istinadən xəbər verir ki, bunu Alyansın Baş katibi Yens Stoltenberq Amerikaya rəsmi səfəri zamanı deyib.
“Mən əminəm ki, Birləşmiş Ştatlar sadiq müttəfiqi olaraq qalacaq. Axı NATO-nun Avropa üzvləri ABŞ-ın müdafiə satışı üçün bazar yaradır. Arizonadan Virciniyaya, Floridadan Vaşinqton ştatına qədər Amerikanın iş yerləri NATO-dan asılıdır”, deyə Baş katib vurğulayıb.
Stoltenberq qeyd edib ki, Avropa ölkələrinin artıq ABŞ-dan 120 milyard dollarlıq silah sifariş edib.
Qeyd edək ki, yanvarın 21-də Ağ Evin keçmiş kommunikasiya direktoru və keçmiş müşavir Entoni Skaramuççi deyib ki, Trampın mümkün qələbəsi Avropa üçün ciddi problem yaradacaq, çünki Tramp NATO-ya nifrət edir və onun ləğvini hər şeydən çox istəyir.
Poliqon.info
Digərxəbərlər
Populyar xəbərlər
