Rusiyanın Ermənistandakı səfirliyi teleqram kanalında İrəvanda “Leninqrad blokadasının uşaqlarına” adlı abidə ilə bağlı vandalizm aktından hiddətləndiyini bildirib...
“Report” xəbər verir ki, bu barədə Rusiya KİV-ləri məlumat yayıb.
“Leninqrad blokadasının uşaqlarına” abidəsi qarşısındakı təxribat bizi hiddətləndirib. Belə hərəkətləri bu faciə qurbanlarının və şəhəri müdafiə edən qəhrəmanların xatirəsinə qarşı açıq qəzəb ifadəsindən başqa bir şey kimi qiymətləndirmək çətindir”, - səfirliyin bəyanatında qeyd edilib.
Bundan əlavə, İrəvandakı Rus Evinin rəhbəri Vadim Fefilov abidənin təhqir olunması ilə bağlı Ermənistanın Baş Prokurorluğuna müraciət edib.
“Böyük Vətən Müharibəsi illərində baş vermiş hadisələrlə bağlı ksenofobiya əsasında etnik ədavəti qızışdıran və zorakılığa çağıran hərəkətləri, Rusiya Federasiyasına qarşı fikirləri qəbuledilməz hesab edirik. Sizdən araşdırma aparılmasını və Samvel Şirinyanın əməllərinə hüquqi qiymət verilərək cinayət məsuliyyətinə cəlb olunmasını xahiş edirəm”, - Baş prokuror Anna Vardapetyana ünvanlanan müraciətdə vurğulanıb.
Qeyd edək ki, sosial şəbəkələrdə özünü Samvel Şirinyan kimi təqdim edən İrəvan sakini abidənin önündəki çələngləri dağıdıb, Rusiya bayrağının rənglərinə uyğun lenti tapdalayıb və bu hərəkətlərini videoya çəkərək yayıb.
Poliqon.info
Digərxəbərlər
Populyar xəbərlər
