Cənubi Afrika Respublikasının Qəzza zolağında soyqırım iddiası ilə Haaqa Beynəlxalq Məhkəməsində İsrailə qarşı qaldırdığı iddia Avropanın zəifliyini nümayiş etdirir...
Poliqon xəbər verir ki, bu barədə Amerikanın Politico qəzeti yazıb.
Nəşr qeyd edir ki, Avropada açılan Cənubi Afrikanın iddiası yəhudi dövlətinin Qəzzada həyata keçirdiyi əməliyyatla bağlı hələ də ortaq fikrə gələ bilməyən Avropa İttifaqı ölkələri arasında fikir ayrılıqlarını nümayiş etdirir.
"Politico"ya müsahibə verən ekspertlərin fikrincə, Avropa İttifaqı Yaxın Şərqdəki hadisələrə görə o qədər parçalanıb ki, artıq vasitəçi kimi də faydasızdır. Anonim bir fransız diplomat nəşrə bildirib ki, Avropa İttifaqı "az şeylə" kifayətlənmək, ABŞ-ı seyr etmək və yalnız bundan sonra gələcək addımlar barədə qərar qəbul etmək məcburiyyətindədir.
ABŞ-ın Avropa İttifaqındakı keçmiş səfiri Entoni Qardnerin fikrincə, assosiasiya Fələstin anklavında baş verənlərlə bağlı vahid mövqe formalaşdıra bilsə belə, yenə də münaqişənin həllinin periferiyasında qalacaq. O qeyd edib ki, bu, yalnız Vaşinqtonun və Yaxın Şərq ölkələrinin vəziyyətə təsirinin olması ilə bağlıdır.
"Əksər hallarda Avropa bu münaqişədə sadəcə oyunçusu deyil və bu reallıqla barışmaqda çətinlik çəkir", deyə Entoni Qardner bildirib.
Noyabrın əvvəlində Cənubi Afrika hakimiyyəti İsrail ordusunun Qəzza zolağında davam edən hərbi əməliyyatı fonunda məsləhətləşmələr üçün Tel-Əvivdən öz nümayəndələrini geri çağırmaq qərarına gəlib. 29 dekabr 2023-cü ildə Cənubi Afrika İsrailin Qəzza zolağındakı hərəkətləri ilə bağlı Beynəlxalq Ədalət Məhkəməsinə müraciət edib. Yanvarın 11-12-də Haaqada bu məsələ ilə bağlı dinləmələr keçiriləcək.
Poliqon.info
Digərxəbərlər
Populyar xəbərlər
