Ukrayna çox güman ki, 2024-cü ilin sonuna qədər bütün rus qoşunlarını nəzarətə götürdüyü ərazilərdən çıxara bilməyəcək...
Poliqon xəbər verir ki, bu barədə "Euractiv" portalı NATO rəsmisinə istinadən məlumat yayıb.
Ukraynanın Qərb müttəfiqləri maliyyə və hərbi dəstəyin dayanmayacağına söz veriblər. Lakin Alyansın üç diplomatı portala bildirib ki, müdafiə sənayesi üçün silah, xüsusilə də raket və sursat üçün sifarişlərin təmin edilməsi və istehsalın sürətləndirilməsinə təkan vermək heç də planlaşdırıldığı kimi getmir.
Portalın yazdığına görə, noyabrın 29-da NATO-nun baş katibi Yens Stoltenberq Ukraynanın dayanmış əks-hücum əməliyyatı və 640 günlük münaqişədən sonra Qərbin yorğunluğunun əlamətləri fonunda bildirib ki, Rusiyanın Ukraynadakı məqsədləri dəyişməyib və onun hərbi qüdrətinin heç nəyə qadir olmadığını demək olmaz.
Bir gün əvvəl Macarıstanın Xarici İşlər və Xarici İqtisadi Əlaqələr naziri Peter Siyarto bildirib ki, NATO Xarici İşlər Nazirləri Şurasının iclasında Ukraynanın əks-hücumunun nəticələrinin gözləniləndən çox uzaq olduğu qəbul edilib, çünki döyüş meydanında çox mürəkkəb vəziyyət yaranıb.
Poliqon.info
Digərxəbərlər
Populyar xəbərlər
