Rayon rəhbəri tərəfindən növbəti dəfə vətəndaşların müraciətləri dinlənilib

Poliqon xəbər verir ki, qəbulda 19 nəfər vətəndaşın müraciəti dinlənilib. Şəhid ailələri və qazilər növbədənkənar qəbul edilib, onların problemlərinə həssaslıqla yanaşılıb.

Qəbula gələn vətəndaşlar əsasən işlə təmin olunma, bələdiyyə mülkiyyətində olan torpaq sahəsindən əkinçilik məqsədilə icarəsinə ayrılması, işğaldan azad olunmuş ərazilərdə evlə təmin olunma, maddi köməklik, heyvandarlıq aktivləri ilə təmin olunma, evlə təmin olunma, ev tikintisinə icazə və digər şəxsi məsələlərlə bağlı müraciət ediblər. Onların müraciətləri rayon rəhbəri tərəfindən diqqətlə dinlənilib, icra hakimiyyətinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.

Rayon sakinləri ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

Poliqon.info